لقاء الأحبة

سبتمبر 26, 2007 at 10:38 ص | In أبناء, الحفيد, طفولة, لقاء |

                            dsc06141.JPGgg15.jpg

سمعت النهاردة أغنية لفريد الأطرش  بتقول (أحلى الأماني فيك يازمان ………لقا الأحبة في كل أوان ) والأحبه هما الشاطر حسن وست الحسن والجمال ودول أحفادنا الصغيرين . الشاطر حسن عنده دلوقتى شهرين ونصف وست الحسن عندها 3شهور ونصف . وانا بأتكلم عليهم دلوقتى لأنهم فى طريقهم لزيارة مصرنا الحبيبة لأول مرة مع بناتنا. بصراحة دي فكرة أزواجهم الغاليين على قلوبنا (بالرغم من أنهم لن يحضروا لأرتباطهم بأعمالهم ) ولكن علشان خاطر عيون الجد أرسلوا الولاد فى أقرب فرصة علشان يملي عينيه منهم زى مابنقول أحنا في مصر،  أنا وجدهم طايرن من الفرح فدي أول مرة حيشوفوهم  جدهم . أرى السعادة والأمل وإشراق العيون والأبتسامة الحلوة على وجه زوجي. قررت أن آخذ ورقة وقلم معي الي المطار لأسجل هذه اللحظات السعيدة التى أنتظرها أنا كمان بفارغ صبر وأشوف ( لقاء الأحبة ). أمبارح أتكلمت مع بنتي الكبري علي النت لقيت جوزها بيقول لها عوزك  لما توصلي مصر أن شاء الله بالسلامة تسجلي على كاميرا الفيديو هذا اللقاء الذي أشتاق أن أراه  لما ترجعوا بالسلامة .

قريبا أن شاء الله يجوا البنات وأولادهم بالسلامة وكم كنا نتمنى أن يحضر أزواجهم معهم ، وقد قررت أن أكتب عن شعورنا قبل مجيئهم علهم في يوم من الأيام يقرءون المدونه ويعرفون كم كنا نشتاق للكبار والصغار معا. 

14 تعليق »

خلاصة "RSS" للتعليقات على هذه التدوينة. عنوان التتبع

  1. أمي وأبي الغالين أنا كمان أشتاق لكم كثيرا وأشتاق لرؤياكم ورؤسية مصرنا الحبيب، وأشتاق ان أرى أبي يضم ويحضن أبني بعد طول اشتياق، وإن شاء الله سنزور مصر العام القادم مع أزواجنا لنسعد جميعا معا، بحبكم ومشتاقة لكم

    التعليق: بواسطة Rare Gold — سبتمبر 26, 2007 #

  2. تيجي بالف الف سلامه يانور العيون ونحن في أشد الشوق لكي ولأبنك الحبيب مع تحياتنا أنا وبابا لزوجك الغالي

    التعليق: بواسطة fosho — سبتمبر 26, 2007 #

  3. my dear tant i ‘m happy for you and for uncle
    this is very special moment to meet ur doughters
    and see your grand childrens happy for uncle shawky
    finally he will see his grandchildren

    ,i love both of u sooooooooo much

    have a nice time and see u too very soon

    التعليق: بواسطة Nano — سبتمبر 27, 2007 #

  4. ياجماعة شوقتوني اشوف اللقاء ده كان نفسي ابقى معاكم

    التعليق: بواسطة thelightway — سبتمبر 27, 2007 #

  5. انشاء الله دائما تلتقوا على خير وتزيد المحبة بينكم فما اجمل لقاء الاهل بعد الغياب

    التعليق: بواسطة thelightway — سبتمبر 27, 2007 #

  6. ممكن ياتيتا تكتبي لنا اللي حيحصل وخاصة لما جدهم يشوفهم بالتفصيل
    لا تتأخري عننا بالكتابة

    التعليق: بواسطة thelightway — سبتمبر 27, 2007 #

  7. وااله يا ماما , انا كمان كان بدي كون معاكم و شوف هاللقاء الحلو.
    ربنا يساعد بابا كمان علشان يقدر يعمل الباسبور علشان يقدر يشوف ولاده و احفاده وقت ما بده.
    نراكم على خير إن شاء الله

    التعليق: بواسطة رضوان — سبتمبر 27, 2007 #

  8. حبيبتي ماما و حبيبي بابا إن شاء الله انا و ست الحسن جايين قريبا , و أتمني أن تطير الايام حتى نراكم و نرى كل الحبايب و نرجع ايام زمان الحلوة , انا كمان هجيب كاميرا الفيديو ان شاء الله علشان نسجل اللحظة الحلوة. مشتاقة لكم كتير

    التعليق: بواسطة رشا — سبتمبر 27, 2007 #

  9. كان نفسى اسجل لقاء جد بحفيدة اللى اتحرم يشوف ميلاده او يحضر فرح بنتة لحرمانه من جواز السفر لا ن مصلحة الاحوال المدنية ترفص ذلك لاى بهائى . نحياتى للجد الصبور وان شاء الله تصل البنات والاحفاد بسلام

    التعليق: بواسطة Smile Rose — سبتمبر 27, 2007 #

  10. يارب يوصلوا بألف سلامة ويبقى لقاء حار جدآ بين جدو الحبيب والأحفاد الحلوين
    وابقوا احكلونا الباقى انتوا بقى …. تحياتى لكم جميعآ

    التعليق: بواسطة امال رياض — سبتمبر 27, 2007 #

  11. يارب يوصلوا بألف سلامة .. و انا متشوقه اشوف المقاله اللي جاية يا فوشو و اعرف جدو عمل ايه مع الاحفاد .. ربنا يخليكم لبعض .. و حضرتك كمان فكرتيني انا كمان حشوف اختي الحبيبة و خطيبي الغالي بعد اسبوعين فقط .. الحمد لله .. و طبعا ده بعد غياب خمس شهور طواااااااااااااااااااااااااااااااااااااااااااااااااال نفسي اشوفهم اوي

    التعليق: بواسطة sophy19 — سبتمبر 27, 2007 #

  12. أصدقاء المدونة الأعزاء أشكركم لتواصلكم معى ولرغبتكم في أن تعيشوا اللقاء الحلو معي
    أكتب لكم بعد لقائى بأبنتي وحفيدى وقد كتبت عن روعة اللقاء وربنا يجمع الحبايب دايما وتعيشوا اللحظات الحلوة مع أسركم وأصدقاءكم

    التعليق: بواسطة fosho — سبتمبر 30, 2007 #

  13. أبننا الغالي رضوان كان بدنا أحنا كمان تنور مصر وتقعد وسطنا ونقضي أحلى الأيام
    بس ملحوقة أن شاء الله ونتمنى أن يكون اليوم ده قريب علشان يتلم شمل العيلة كلها وتشوف بعينك لقاء جدو مع ست الحسن والجمال تحياتنا لك أنا وبابا ولجميع الأهل

    التعليق: بواسطة fosho — سبتمبر 30, 2007 #

  14. أبنتي الغالييه رشا أوعي تنسي الكاميرا

    التعليق: بواسطة fosho — سبتمبر 30, 2007 #

أضف تعليق

XHTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

المدونة لدى WordPress.com. | Theme: Pool by Borja Fernandez.
Entries and comments feeds.